Pages

நாவின் ஆறு சுவையும் அதன் செயல்களும்....

Wednesday, May 12, 2010
நாம் எதை சாப்பிட்டாலும் அதில் ஒரு சுவை இருக்கும். சுவை இருந்தால் மட்டுமே நாம் அதை மீண்டும் வாங்கி சாப்பிடுவோம். ஐஸ்கிரீம் அனைவருக்கும் பிடித்த உணவு என்று சொல்லமுடியாது ஆனால் ஐஸ்கீரீம் ஒரு முறை சாப்பிட்டு பார்த்து அதன் சுவை பிடித்து விட்டால் மீண்டும் மீண்டும் சாப்பிட தோணும். நாம் உட்கொள்ளும் எந்த பொருளாக இருந்தாலும் அதற்கு என ஒரு சுவை உண்டு. எல்லாருக்கும் இனிப்பு பிடிக்கும் என்று சொல்ல முடியாது அதே போல் எல்லாருக்கும் காரம் பிடிக்காது என்றும் கூறமுடியாது. எதை சாப்பிட்டாலும் அதற்கு என ஒரு சுவை உண்டு. இந்த சுவையில் பல வகைகள் உள்ளது.

சுவையின் வகைகள்

இனிப்பு

காரம்

கசப்பு

புளிப்பு

துவர்ப்பு

உப்பு

என ஆறுவகைகளாக சுவையை பிரிக்கின்றனர்.

சுவையின் செயல்கள்

காரம்: உடலுக்கு உஷ்ணத்தைக் கூட்டுவதுடன் உணற்சிகளை கூட்டவும், குறைக்கவும் செய்யும்.

கசப்பு:  உடம்பிலுள்ள உதவாத கிருமிகளைஅழித்து உடம்பிற்கு சக்திகூட்டும். சழியைக் கட்டுப்படுத்தும்.

இனிப்பு:  உடம்பு தசையை வளர்ம்கும் தன்மை வாய்ந்தது. வாதத்தைக் கூட்டும்.

புளிப்பு:  இரத்தக் குழாயின் அழுக்கை நீக்கவல்லது. வாதத்தைக் கூட்டும்.

துவர்ப்பு:  இரத்தம் வெளியேறாது தடுக்க வல்லது. இரத்தம் உறைவதை கூட்டும் தன்மையுள்ளது.

உப்பு:  ஞாபகசக்தியை கூட்டும். கூடினால் உடம்பில் வீக்கதை ஏற்படுத்தும்

அந்த கால மருத்துவங்களும், உணவு முறைகளும் இதனை அடிப்படையாகக் கொண்டே இருந்துவந்தது. உடல் தாதுவைப் பெருக்க, சமன் செய்ய அதற்கு ஏற்றவாறு உணவு வகைகளைத் தயாரித்து வந்தனர். இதனைக் கொண்டுதான் "உணவே மருந்து, மருந்தே உணவு" என்று சொல்வார்கள்.

துவர்ப்புச் சுவை:

இது அதிகம் விருப்பு, வெறுப்பு காட்டப்படாத சுவை. உடல் ஆரோக்கியத்திற்கு மிகவும் உகந்த சுவை. அதிக வியர்வையைக் கட்டுப்படுத்துகின்றது. இரத்தப்போக்கினைக் குறைக்க வல்லது. வயிற்றுப்போக்கினை சரி செய்யவல்லது.

இது அதிகமாயின், இளமையில் முதுமை தோற்றத்தை உண்டுவிக்கும். வாய் உலர்ந்து போகச் செய்யும், சரளமாக பேசுவதைப் பாதிக்கும். வாத நோய்கள் தோன்ற வழிவகுக்கும்.

கிடைக்கும் உணவுப் பொருட்கள்
வாழைக்காய், மாதுளை, மாவடு, மஞ்சள், அவரை, அத்திக்காய் போன்ற காய் வகைகளில் அடங்கியுள்ளது.

இனிப்புச் சுவை:

மனிதர்களால் அதிகம் விரும்பப்படும் சுவை இதுதான். மனதிற்கு மட்டுமல்லாமல் உடலுக்கும் உடனடி உற்சாகத்தைத் தரக்கூடிய சுவையிது. குழந்தைகளின் வளர்ச்சிக்கு மிகவும் உதவுகின்றது.
இது அதிகமாயின் உடல் தளர்வு, சோர்வு, அதிகத் தூக்கம், இருமல், உடல் எடைக் கூடுதல் போன்ற சிக்கல்கள் பலவும் தோன்ற வாய்ப்பு உள்ளது.

கிடைக்கும் உணவுப் பொருட்கள்
பழவகைகள், உருளை, காரட் போன்ற கிழங்கு வகைகள், அரிசி, கோதுமை போன்ற தானியங்கள் மற்றும் கரும்பு போன்ற தண்டு வகைத் தாவரங்களிலும் இனிப்புச் சுவை அதிக அளவில் அடங்கியுள்ளது.

புளிப்புச் சுவை:

உணவிற்கு மேலும் ருசி சேர்க்கும் ஒரு சுவையிது. பசியுணர்வைத் தூண்டும். உணர்வு நரம்புகளை வலுப்பெறச் செய்கின்றது. இதயத்திற்கும், செரிமானத்திற்கும் மிகவும் நல்லது.

இது அதிகமாயின், தாக உணர்வினை அதிகரிக்கும். பற்களைப் பாதிக்கும். நெஞ்செரிச்சல், இரத்தக் கொதிப்பு, அரிப்பு போன்ற தொந்திரவுகளை உண்டுவிக்கும். உடல் தளரச் செய்யும்.

எலுமிச்சை, புளிச்ச கீரை, இட்லி, தோசை, அரிசி, தக்காளி, புளி, மாங்காய், தயிர், மோர், நார்த்தங்காய் போன்றவற்றில் அதிகம் உள்ளது.

காரச் சுவை :

பசியுணர்வைத் தோற்றுவிப்பதோடு அல்லாமல், செரிமானத்திற்கும் பெரிதும் உதவுகின்றது. உடல் இளைக்கவும், உடலில் உள்ள அதிக்கப்படியான நீரை வெளியேற்றவும் செய்கின்றது. இரத்தச் சுத்திகரிப்புச் செய்கின்றது. தோல் நோய்களுக்கு நல்லதொரு பலனைத் தருகின்றது.
அதிகப்படியான காரம், உடல் எரிச்சலை உண்டுவிக்கும். உடல் சூட்டை அதிகரித்து, வியர்வையை அதிகம் சுரக்கச் செய்யும். குடல் புண்கள் தோன்ற அதிக வாய்ப்பு அளிக்கும்.
வெங்காயம், மிளகாய், இஞ்சி, பூண்டு, மிளகு, கடுகு போன்றவற்றில் அதிகப்படியான காரச்சுவை அடங்கியுள்ளது.

கசப்புச் சுவை :

அதிகம் வெறுக்கப்படும் சுவையாக இருந்தாலும், அதிகம் நன்மைப் பயக்கும் சுவையும் இது ஒன்றே. மற்றச் சுவைகளை அறிய இது பெரிதும் உதவுகின்றது. சிறந்த நோய் எதிர்ப்புச் சக்தியாக செயல்படுகின்றது. தாக உணர்வைக் கட்டுப்படுத்துகின்றது. உடல் எரிச்சல், அரிப்புகளில் இருந்து நிவாரணம் தருகின்றது. காய்ச்சலைத் தணிக்கின்றது. இரத்தச் சுத்திகரிப்புச் செய்கின்றது.
இது அதிகமாயின், உடலின் நீர் குறைந்துப் போகச் செய்யும். மேனி வறண்டு கடினத்தன்மைத் தோன்ற நேரிடும். எலும்புகளைப் பாதிக்கும். அடிக்கடி மயக்கம் உண்டாகும், உச்சகட்டமாய் சுயநினைவற்ற நிலைக்கும் செல்ல வழிவகுக்கும்.
பாகற்காய், சுண்டக்காய், கத்தரிக்காய், வெந்தயம், பூண்டு, எள், வேப்பம்பூ, ஓமம் போன்றவற்றில் இந்த சுவை மிகுதியாய் உள்ளது.

உவர்ப்புச் சுவை:

தவிர்க்க இயலாத சுவை இது, அளவோடு இருக்கும்பட்சத்தில் அனைவராலும் விரும்பப்படும் ஒன்று. உமிழ்நீரைச் சுரக்கச் செய்கின்றது. மற்றச் சுவைகளைச் சமன்செய்ய உதவுகின்றது. உணவுச் செரிமானத்திலும் பங்கு வகிக்கின்றது.
இது அதிகமாயின் தோல் தளர்வினை உண்டுவித்து, சுருங்கிப் போகச் செய்யும். தோல் வியாதிகளையும் தோன்றச் செய்கின்றது.

உடல் சூட்டினை அதிகப்படுத்தி சிறுக் கட்டிகள், பருக்கள் தோன்ற வழிவகுக்கும். கீரைத்தண்டு, வாழைத்தண்டு, முள்ளங்கி, பூசணிக்காய், சுரைக்காய், பீர்க்கங்காய் போன்றவற்றில் அதிகமாய் இருக்கின்றது.

11 comments:

{ சேட்டைக்காரன் } at: May 12, 2010 at 11:15 PM said...

இதையே பாடப்புத்தகத்துலே படிச்சபோது தலையைச் சொரிஞ்சேன். ஆனா, இதைக் கூட இவ்வளவு சுவாரசியமாச் சொல்ல முடியும்னு நிரூபிச்சிட்டீங்க!

{ ஹேமா } at: May 13, 2010 at 5:24 AM said...

ஒவ்வொரு சுவையையும் பிச்சுப் போட்டு உலர்த்தியிருக்கீங்க சங்கவி.நிறைய அறிந்தேன்.

{ அப்பாவி தங்கமணி } at: May 13, 2010 at 10:42 AM said...

சுவைல இத்தன விசயம் இருக்கா? சூப்பர். நன்றி சொன்னதுக்கு

{ இராமசாமி } at: May 13, 2010 at 12:17 PM said...

நல்ல இடுக்கை. நன்றி தகவல்களுக்கு.

{ பிரபாகர் } at: May 13, 2010 at 7:26 PM said...

நல்ல நல்ல தகவல்களை அருமையாய் தொகுத்துத் தருகிறீர்கள் பங்காளி!

சேட்டை சொல்வதுபோல் புரியாமல் படித்ததை இன்று சுவையாய், அழகாய்!

பிரபாகர்...

{ தேனம்மை லெக்ஷ்மணன் } at: May 14, 2010 at 9:36 AM said...

அறுசுவை பற்றி அருமையான தகவல்கள்..சங்கவி

{ மங்குனி அமைச்சர் } at: May 16, 2010 at 11:36 PM said...

நல்ல பதிவு, அருமையான டீடைல்ஸ் , நன்றி

{ ஜெயந்தி } at: May 17, 2010 at 2:59 AM said...

அறுசுவை உணவு படைச்சுட்டீங்க.

{ சுந்தரா } at: May 17, 2010 at 5:30 AM said...

ஆறுசுவைகளும் அதற்கான விளக்கமும் அருமை சங்கவி.

{ கே.ஆர்.பி.செந்தில் } at: May 17, 2010 at 9:40 AM said...

உங்கள் பதிவின் சுவை அபாரம்

{ சிநேகிதன் அக்பர் } at: May 17, 2010 at 12:22 PM said...

பதிவும் சுவையாகவே இருந்தது. நன்றி சங்க்வி

Post a Comment